Regla tvöfaldar hagnað – greiðir út 180 milljónir í arð
Regla ehf., sem rekur samnefnt bókhalds- og rekstrarkerfi, jók hagnað sinn úr 93 milljónum króna árið 2023 í 194 milljónir króna árið 2024. Tekjur jukust um 33% og námu 564 milljónum króna. Félagið var á lista Keldunnar og Viðskiptablaðsins yfir fyrirmyndarfyrirtæki í fyrra og verður þar aftur í ár.
Tekjur og afkoma
Rekstrartekjur félagsins voru 564 milljónir króna árið 2024 (2023: 423 m.kr.). Hagnaður eftir skatta nam 194 milljónum króna, sem er rúm tvöföldun frá fyrra ári.
Eigið fé félagsins í árslok nam 203 milljónum króna, samanborið við 140 milljónir í lok árs 2023. Stjórn leggur til að greiða út 180 milljónir króna í arð á árinu 2025.
Starfsmenn og rekstur
Meðalfjöldi starfsmanna var 20 á árinu 2024. Á árinu tók félagið yfir tiltekna þætti í rekstri og þróun hugbúnaðarkerfisins sem áður voru í höndum Fakta ehf., sem styrkti stöðu þess á markaðnum.
Eigendur
Regla ehf. er að fullu í eigu norska félagsins Hawk Infinity AS, í gegnum dótturfélagið SaaS Holding AS.
Fyrirmyndarfyrirtæki í rekstri
Regla hefur verið á lista Keldunnar og Viðskiptablaðsins yfir fyrirmyndarfyrirtæki í rekstri og verður þar áfram í ár. Á listann komast aðeins fyrirtæki sem sýna stöðugan rekstur, jákvæða afkomu og sterka eiginfjárstöðu.
👉 Sjá nánar um félagið á Keldunni eða á heimasíðu þess regla.is.
