Hagnast á hótelrekstri í Djúpavogi
Hótel Framtíð ehf., sem rekur hótel og veitingastað á Djúpavogi, skilaði 56,7 milljónum króna hagnaði árið 2024.
Samkvæmt nýbirtum ársreikningi námu rekstrartekjur félagsins 294 milljónum króna, samanborið við 330 milljónir árið áður. Þrátt fyrir tekjusamdrátt hélt félagið uppi traustri afkomu með rekstrarhagnað upp á 57 milljónir króna og hreinan hagnað upp á 56,7 milljónir króna, samanborið við 85 milljónir árið 2023.
Heildareignir félagsins námu í árslok 307 milljónum króna, þar af var handbært fé yfir 160 milljónir. Eigið fé stóð í 254 milljónum króna, sem jafngildir 82,8% eiginfjárhlutfalli og undirstrikar sterka fjárhagsstöðu.
Á árinu voru greiddar 91,7 milljónir króna í arð til hluthafa, en eigendur félagsins eru tveir einstaklingar með jafna hlutdeild.
Fyrirmyndarfyrirtæki í rekstri
Hótel Framtíð hefur verið á lista Keldunnar og Viðskiptablaðsins yfir fyrirmyndarfyrirtæki í rekstri síðustu ár, og miðað við nýjustu niðurstöður verður félagið einnig á listanum í ár. Slíkt sæti fá aðeins fyrirtæki sem skara fram úr hvað varðar stöðugleika, jákvæða afkomu og sterka eiginfjárstöðu.
👉 Sjá nánar um félagið á Keldunni.
